My Peggy Is a Young Thing

Allan Ramsay

 Next Poem          

My Peggy is a young thing,
Just enter'd in her teens,
Fair as the day, and sweet as May
Fair as the day, and always gay.
My Peggy is a young thing,
And I'm not very auld,
Yet well I like to meet her at
The Wawking of the Fauld.

My Peggy speaks sæ sweetly,
When'er we meet alane,
I wish næ mair to lay my care,
I wish næ mair of a' that's rare.
My Peggy speaks sæ sweetly,
To a' the lave I'm cauld;
But she gars a' my spirits glow
At Wawking of the Fauld.

My Peggy smiles sæ kindly,
Whene'er I whisper Love,
That I look down on a' the Town,
That I look down upon a Crown.
My Peggy smiles sæ kindly,
It makes my blythe and bauld,
And naithing gi'es me sic delight,
As Wawking of the Fauld.

My Peggy sings sæ saftly,
When on my pipe I play;
By a' the rest it is confest,
By a' the rest, that she sings best.
My Peggy sings sæ saftly,
And in her songs are tald,
With innocence the wale of Sense,
At Wawking of the Fauld.

Next Poem 

 Back to Allan Ramsay
Get a free collection of Classic Poetry ↓

Receive the ebook in seconds 50 poems from 50 different authors


To be able to leave a comment here you must be registered. Log in or Sign up.