My Poems 126 - 150

126.

Psalm of Judas

 

1 Oh Lord, smelling Your presence

Strikes my inner feelings

Perceiving its magnificence

Fills me with positive tidings

 

2 Oh Lord, seeing your face

Glimmering with glory & honor

Catches my ardent gaze

While dazzling me with fervor

 

3 Oh Lord, having Your words

Makes my consciousness tremble

Like a sheep among herds

Giving momentum to assemble

 

4 Oh Lord, saying Your name

During my pain & distress

Takes away false fear & shame

But not on moments when I transgress

 

5 Oh Lord, touching Your manifest

Gives me strength & courage

When I am under a test

Facing concrete or abstract carnage

 

6 Oh Lord, I’m astounded looking at You

But uncomfortable with Your stare

Seems You’re watchful with all I do

 

7 Oh Lord, I’m ensnared listening to You

But elusive over Your eavesdropping

Lest You learn of a sin I do

 

8 Oh Lord, I’m inquisitive speaking with You

But cautious of my language

For it can reflect what I did, am doing & will do

 

9 Oh Lord, I’m delightful walking beside You

But suspicious if others are envious

Of course, it’s an amazing thing to do

 

10 Oh Lord, who is like me?

I’m proud like a celebrity!

 

11 Oh Lord, I traversed the road with pride

As if I can always make a great stride

 

12 Oh Lord, I never sensed the pitfall ahead

When from You, I turned away my head

 

13 Oh Lord, suddenly I’ve fallen!...condemned by women of Jerusalem!

 

-05/31/2012

(Dumarao)

*My Dark Poems Collection

---

127.

Siboloria 1

-Unang Pagtatagpo-

 

1 Siboloria – ang lupaing ito ay ipinangalan

Sa dalawang magkasintahan

 

2 Si Sibo ay lalaking makisig

Si Loria ang babaeng iniibig

 

3 Si Sibo ay anak ng hari’t reyna

Si Loria ay supling ng aliping dukha

 

4 Una silang nagkakilala

Habang prinsipe’y nagmamasid sa mga magsasaka

 

5 Natapilok ang binata

Sa bandang pwesto ng dalaga

 

6 Pumaibabaw ang lalaki

Sa natumbahang binibini

 

7 Parehong napahiya’t namula

Nang mapatitig sa isa’t isa.

 

-06/15/2012

*Gintong Lupa Series

---

128.

Siboloria 2

-Gabing Maligalig-

 

8 Nang gabi ding iyon

Sila’y napuno ng imahinasyon

 

9 Pawang tuliro’t nahirapan

Sa pagtulog ang mga naturan

 

10 Ang prinsipe’y sobrang namangha

Sa ganda’t alindog ng dalaga

 

11 Ang dalaga’y puspos kilig

Sa prinsipeng kumabig

 

12 Animo’y lumulutang sa mga tala

Ang pakiramdam ng binata’t dalaga

 

13 Ninais-nais ng prinsipe

Na muling makita ang babae

 

14 Inasam-asam ng dalaga

Na makatagpo muli ang binata.

 

-06/15/2012

*Gintong Lupa Series

---

129.

Siboloria 3

-Prinsipeng Nakatali-

 

15 Subalit si Prinsipe Sibo

Naitali na ang puso

 

16 Sa tulad din niyang maharlika

Na isa namang prinsesa

 

17 At ‘di magtatagal

Sila na’y ikakasal

 

18 Kahit pawang walang nadarama

Na pag-ibig sa isa’t isa

 

19 Sila’y sunud-sunuran lamang

Sa batas ng mga ninuno’t magulang

 

20 Ganoon talaga kapag maharlika

Ang pag-aasawa’y mariing itinatakda

 

21 Upang mapangalagaan

Dangal at riwasa ng angkan.

 

-06/16/2012

*Gintong Lupa Series

 
---

130.

Siboloria 4

-Aliping Malaya-

 

22 Samantalang si Loria

May kalayaan sa pag-aasawa

 

23 Siya ay lumaki na

Mga magulang ay wala

 

24 Subalit ang anak ng amo

Sa kanya’y may lihim na gusto

 

25 Isang gabi nang matutulog na

May pumasok sa silid ni Loria

 

26 Siya’y tinangkang gahasain

Ng lalaking may pagtingin

 

27 Mapalad at si Loria’y nakadampot

Ng patalim na isinaksak sa salot

 

28 Nang gabing iyon siya’y nakatakas

Mula sa tinirhang pangahas.

 

-06/16/2012

*Gintong Lupa Series

 
---

131.

Siboloria 5

-Ikalawang Pagtatagpo-

 

29 Sa paglisan ni Loria

Sa tahanan ng amo niya

 

30 Iba’t ibang trabaho

Pinasok ng babaeng ito

 

31 Subalit hindi naglaon

Sa palasyo naparoon

 

32 Dahil malapit na ang kasalan

Palasyo’y nagdagdag ng mga tauhan

 

33 Si Loria’y naatasan

Sa serbisyo ng lutuan

 

34 Tatlong buwan bago ikasal

Habang prinsipe’y nag-aalmusal

 

35 Kanilang namukhaan at nakilala

Ang dating nakatagpo na.

 

-06/17/2012

*Gintong Lupa Series

 
---

132.

Siboloria 6

-Lihim na Ugnayan-

 

36 Sa lahat ng araw ng ikalawang buwan

Bago ganapin ang napipintong kasalan

 

37 Madalas wala ang prinsipe sa palasyo

Dinadahilan parati ang pangangaso

 

38 Subalit parating walang huli

Dahil may lihim siyang ikinukubli

 

39 Iyon ang kanilang ugnayan

Ni Loria sa sikretong pook sa kakahuyan

 

40 Sila’y palaging nakahahanap

Ng butas sa pagpapanggap

 

41 Ang palusot naman ni Loria

Sa ina’y dumadalaw siya

 

42 Wala man lang nakahalata

Sa lihim na ugnayan ng dalawa.

 

-06/17/2012

*Gintong Lupa Series

 
---

133.

Siboloria 7

-Diwata ng Lupa-

 

43 Gaano man nila kaingat itago

Ang kanilang lihim  na pagtatagpo

 

44 Walang nakaligtas sa kanila

Sa isang nilalang na mahiwaga

 

45 Kanilang saksi si Diwatang Bulawan

May mata ang lupa – ayon sa kasabihan

 

46 Nagpakita siya sa magkasintahan

Isang linggo bago ang kasalan

 

47 Sila ay binalaan

Sa maaaring kapahamakan

 

48 Ngunit siya rin ay nangako

Na tutulungan ang mga ito

 

49 Iyon ay kung malalampasan

Ang mga pagsubok na pagdaraanan.

 

-06/18/2012

*Gintong Lupa Series

 
---

134.

Siboloria 8

-Unang Pagsubok-

 

50 Anim na araw bago ang kasalan

Muling nagkita ang magkasintahan

 

51 Kasama nila ang Diwata ng Lupa

Sa pook na itinalaga

 

52 Unang pagsubok sa prinsipe

Tanggalin lahat ng mga kabute

 

53 Kanya itong kinayang mag-isa

Gamit ang matalim na espada

 

54 Mula umaga hanggang hapon

Oras at lakas niya’y itinuon

 

55 Habang si Loria’y tagapagpunas-pawis

At tagapagpa-inom sa prinsipeng pagod na labis

 

56 Sa wakas paglubog ng araw

Naubos lahat ‘di man nagpugnaw.

 

-06/18/2012

*Gintong Lupa Series

 
---

135.

Siboloria 9

-Ikalawang Pagsubok-

 

57 Limang araw bago ang kasalan

Sa umaga’y umulan ang kalangitan

 

58 Sina Sibo at Loria’y nagkita

Kasama ang Diwata ng Lupa

 

59 May ikalawa pang pagsubok

Na sa alipin naman nakatutok

 

60 Sisidlan ay sa kanya iniabot

Tubig dito’y ibubukot

 

61 Subalit ang lahat ng iyon

Magmumula lamang sa mga dahon

 

62 Kaya buong umaga’y nagtiyaga

Ang alipin na punuin ang botelya

 

63 ‘Di umabot ang tanghali

Sa paghamon siya’y nagwagi.

 

-06/19/2012

*Gintong Lupa Series

 
---

136.

Siboloria 10

-Ikatlong Pagsubok-

 

64 Apat na araw bago ang kasalan

Pagsubok sabay sa magkasintahan

 

65 Kailangan nilang manghuli

Ng mahiwagang bubuli

 

66 Ito ay may mga kulay na mapusyaw

At may pakpak na parang sa langaw

 

67 ‘Di pangkaraniwan ang haba

Pinagsamang tatlong buwaya

 

68 Ito ay malayang pagala-gala

Sa kagubatang kinaroroonan nila

 

69 Kumakain lamang ng buko

Mailap at takot sa tao

 

70 Ngunit takip-silim na’y dumaan

Hindi man lamang namataan.

 

-06/19/2012

*Gintong Lupa Series

 
---

137.

Siboloria 11

-Pagdakip-

 

71 Ang Diwata ng Lupa’y naglaho

Bigla namang sumulpot mga kawal ng palasyo

 

72 Naku! Lagot na

Huli ang dalawa

 

73 Noon pa pala minamanmanan

Ang galaw ng magkasintahan

 

74 Ito na ang tamang tiyempo

Upang dakpin ang mga ito

 

75 Sila’y iniharap sa hari’t reyna

Ipinagtanggol ng binata ang iniibig na dalaga

 

76 Ngunit anumang gawin nilang pagtatakipan

Sa kanila’y may nakaatang naa kaparusahan

 

77 Sa ikatlong araw bago ang kasalan

Nagimbal ang bidang magkasintahan.

 

-06/20/2012

*Gintong Lupa Series

 
---

138.

Siboloria 12

-Kaparusahan-

 

78 Bilang kaparusahan

Sa kanilang kapalaluhan

 

79 Ang prinsipe’y bantay-sarado

Sa mga kawal ng palasyo

 

80 Hindi siya tinulutan

Na lumabas sa silid-tulugan

 

81 Si Sibo’y ikinulong

Na animo’y mandarambong

 

82 Samantalang ang kawawang alipin

‘Di na sa palasyo papapasukin

 

83 Mula sa kawanihan

Ng mga tagapaglingkod at utusan

 

84 Si Loria’y itinaboy

At naging palaboy.

 

-06/20/2012

*Gintong Lupa Series

 
---

139.

Siboloria 13

-Pagtakas-

 

85 Dumating na ang bisperas ng kasalan

Abalang-abala ang buong kaharian

 

86 Gayundin ang mga kawal na nagbabantay

Sa prinsipeng hina na parang lantang gulay

 

87 Buong araw nakatalukbong ng kumot

Ayaw kumain, sa lahat nayayamot

 

88 Sa parang bata na may sumpong

Nakaantabay ang nilalang na buhong

 

89 Sa may tsimineya

‘Di randam, ‘di amoy, ‘di rinig, ‘di kita

 

90 Lumitaw, lumubog ang buwan

Paggising ng lahat kinabukasan

 

91 Wala na ang prinsipe! Wala na!

Walang nakapansin! Naglahong parang bula!

 

-06/21/2012

*Gintong Lupa Series

 
---

140.

Siboloria 14

-Ang Alamat ng Unang Lahi sa Gintong Lupa-

 

92 Bago magbukang-liawyway ay nilamon

Ng bubuli ang prinsipe bago bumangon

 

93 Kumaripas sa kagubatan

Iniluwa’t muling nagkita ang magkasintahan

 

94 Naroon din ang Diwata ng Lupa

Mga kabute’t tubig ay dala

 

95 Pagkain at inumin isusuhay

Sa mahiwagang bubuli isasakay

 

96 Sa ‘di kalayuan ay umugong

Mula sa palasyo ang budyong

 

97 Pinaulan ni Bulawan ng buhangin ang kagubatan

Upang pabagalin mga kalaban

 

98 Tungo sa Gintong Lupa!

Unang Lahi ng mga tao roon – kina Sibo at Loria!

 

-06/21/2012

*Gintong Lupa Series

---

141.

Daragus 1

-Si Dara-

 

1 Isang prinsesang bawal yumapak sa lupa

Siya ang binukot na si Dara

 

2 Ang kanyang edad ay labimpitong taong gulang

Natatanging anak ng mga magulang

 

3 Matuwid at makintab ang maitim na buhok

Mana sa amang hari na mapusok

 

4 Maputi at makinis ang balat

Mana sa inang reyna na madalaing magulat

 

5 Tapang at nerbiyos sa dugo nananalaytay

Matapang sa buhay, natatakot mamatay

 

6 Sukdulan sa proteksiyon at pagka-sensitibo

Kaya ‘di pa nakalalabas ng kwarto

 

7 Subalit mayroon din naman siyang libangan

Kumanta at manood ng mga mangingisda sa durungawan.

 

-06/22/2012

*Gintong Lupa Series

 
---

142.

Daragus 2

-Si Agus-

 

8 Isang hamak na mangingisda

Itong si Agus na makisig at masigla

 

9 Mga magulang niya’y kaytagal nang payapa

Kaya natutong mamuhay mag-isa

 

10 Gamit ang mga gawang-kamay nito –

Lambat, sibat, panggaid at isang baroto

 

11 Sa ‘di pangkaraniwang palad ay kasinggulang niya

Ang natatanging prinsesa ng bayan nila

 

12 Lingid sa kanyang kaalaman

Si Dara ay lagi siyang pinagmamasdan

 

13 Halinang-halina sa binatang kaygwapo

Dagdag pa ang katawang matipuno

 

14 Minsan naring natikman ng dalaga

Ang mga huling lamang-dagat ng binata.

 

-06/22/2012

*Gintong Lupa Series

 
---

143.

Daragus 3

-Kaarawan ng Binukot-

 

15 Ikalabingwalong kaarawan na

Ng binukot na prinsesa

 

16 Ang pagiging dalaga niya’y ganap

Isang prinsipe ang ihaharap

 

17 Panahon na upang lumabas sa palasyo

Humarap sa mga mamamayan at mga dayo

 

18 Ngayong nasa harapan na ng madla

Ipakikilala sari-saring mga binata

 

19 Tangan ang mga regalo

Sa prinsesang sinusuyo

 

20 At pagtunog ng mga tambol at plawta

Si Dara’y makikisayaw na

 

21 Sa mga lalaking napupusuan

Na sa mga pagsubok idadaan.

 

-06/23/2012

*Gintong Lupa Series

 
---

144.

Daragus 4

-Unang Pagsubok sa Magiging Prinsipe-

 

22 Ang unang pagsubok ay paligsahan

Na susubok sa lakas at katatagan

 

23 Inihanda na ng mga binata

Ang mga katawan nila

 

24 Nagbalu-baluktot, nagbanat-banat

Nag-imbay-imbay, nag-inat-inat

 

25 Kapagdaka’y ipinagitna sa kanila

Ang isang kahoy na lamesa

 

26 Inilapag nila rito

Ang kanilang mga braso

 

27 Para sa pagbubunuan

Ng mga kalamnan

 

28 Sa huli’y si Agus ang kinilala

Bilang pinakamalakas na binata.

 

-06/23/2012

*Gintong Lupa Series

 
---

145.

My 29^th Leaf

 

Picked thee head level

From bamboo bundle

Beside eight of us

It’s sort of wild grass

Behold this “Chinese Bamboo!”

 

As Ante Bing said

By them it’s planted

Capuso family

The owner of thee

I’m with 6 batchmates

 

Twenty-third of June

Sky’s speaking a rune

Nimbus were coming

Was about raining

About 3 PM

 

Beside a dam deep

Wherein no one should creep

It’s an upland

Metres from farmland

In Aglalana

 

Tolada active

For month elusive

But need not be tired

If moment inspired

Batchmates rebonding.

 

-06/23/2012

(Dumarao)

*My Toladas Collection

 
---

146.

Daragus 5

-Ikalawang Pagsubok sa Magiging Prinsipe-

 

29 Ang ikalawang pagsubok ay pabilisan

Ng paglangoy mula dalampasigan

 

30 Ang mga lalaki na walo

Kailangang makuha ang bandilang ginto

 

31 Na nakatayo ng mga metrong labindalawa

Mula sa buhanging kinatatayuan nila

 

32 Mga banderang sa tubig nakalitaw

Na parang sa bangka’y mga paraw

 

33 Nakatusok ang patpat sa buhangin

Na mga paa’y aabot rin

 

34 Pangatlo si Agus na nakakuha

Malapit na sa dalampasigan ang una

 

35 Subalit kanyang ibinuhos lahat ng lakas

Naging pinakamabilis at nauna si Agus sa wakas.

 

-06/24/2012

*Gintong Lupa Series

 
---

147.

Daragus 6

-Ikatlong Pagsubok sa Magiging Prinsipe-

 

36 Ang ikatlong pagsubok ay palamangan

Ng mga lamang-dagat na pahulihan

 

37 Paramihan sa tingin

Pabigatan sa timbangin

 

38 Ito ang pagsubok na itinadhana

Para sa magigng prinsipe sa tuwina

 

39 Sinasabing diwata’y tumutulong

Sa sinumang may pinkamaraming naikukulong

 

40 Sa kanilang lambat na inilalatag

Sa mga alon na sa dagat papag

 

41 Magsisimula ang hamon kapag umaga’y lumitaw

Magtatapos sa paglubog ng araw

 

42 Nang sabay-sabay bumalik ang tatlong lalaki

Si Agus ang may pinakamarami at mabigat na huli.

 

-06/24/2012

*Gintong Lupa Series

 
---

148.

Daragus 7

-Panibugho ng Talunan-

 

43 Mula sa hanay

Ng sa mga pagsubok nagtagumpay

 

44 Pinili ang nangunguna

Sa palakasan, pabilisan at pangingisda

 

45 Bilang prinsipe ng bayan

Prinsesa’y pakakasalan

 

46 Si Agus wala nang iba

Ang hinirang na prinsipe ng bayan nila

 

47 Ngunit hindi ito natanggap

Ng pumangalawang humagilap

 

48 Sa parehong pangarap na matayog

Na sa sikmura’y bubusog

 

49 Anong pait sa pumangalawa

Ang ‘di mapanalunan ang prinsesa.

 

-06/25/2012

*Gintong Lupa Series

 
---

149

Daragus 8

-Maitim na Plano-

 

50 Dahil sa masidhing panibugho

Ng pumangalawang natalo

 

51 Kung anu-anong balak na mabagsik

Ang sa isip isiniksik

 

52 Buong loob isasakatuparan

Ang kalapastanganan

 

53 Isang gabing marilim

Baon ay patalim

 

54 Nagtungo sa prinsipeng nagpapahangin

Sa may bandang baybayin

 

55 Kanila itong nilapitan

Tinutok patalim sa lalamunan

 

56 Ibinangka at ibinalot sa lambat

Siniklot at inihulog sa dagat.

 

-06/25/2012

*Gintong Lupa Series

---

150.

Daragus 9

-Diwata ng Tubig-

 

57 Unti-unting si Agus ng tubig lamunin

Dahan-dahang lumayo bangka ng mga salarin

 

58 Ang prinsipe’y gupung-gupo

Wala nang pag-asa sa saklolo

 

59 Pilit mang kumawala sa pagkabuhol

Hindi makapalag sa himulmol

 

60 Anong klaseng hilahil?

Pagkalunod hindi pigil!

 

61 Subalit bago pa man malagutan ng hininga

May umagap na isang himala

 

62 Sa prinsipeng nalulunod, may nilalang na yumapos

Kaagad siyang pinaalpas sa pagkakagapos

 

63 Binuhayan mga luoy na bisig

Nitong bayaning Diwata ng Tubig.

 

-06/26/2012

*Gintong Lupa Series