My Poems 151 - 175

151.

Daragus 10

-Ang Pagbabalik ni Agus-

 

64 Pagbalik ng mga salaring namangka

Mga kawal sumalubong sa kanila

 

65 Sila ay agad inusisa

Kung prinsipe nakita nila

 

66 Sila’y kalalayag mula ibang isla ang sabi

Pagkakita sa prinsipe’y tuwirang itinanggi

 

67 Subalit maya-maya’y may lumitaw na lalaki

At lubos nagulat ang mga nagkubli

 

68 Si Agus ay lalaki sa kanilang likuran

Sumigaw ito na dakpin ang mga iyan

 

69 Nagtangkang umiwas ang mga nagulalas

Nang maigapos, nagpumilit pumiglas

 

70 Matinding kaparusahan ang haharapin

Ng nahuling mga salarin.

 

-06/26/2012

*Gintong Lupa Series

 

---

152.

Daragus 11

-Kaparusahan sa Pangahas-

 

71 Sa gabi ng kapalaluhan

Mga salarin isinilid sa kulungan

 

72 Pinahirapan at inusisa

Kung bakit nila iyon ginawa

 

73 Ang sabi ng dalawa

Napag-utusan lamang sila

 

74 Ang utak kanilang ikinumpisal

Iyon ay ang talunang karibal

 

75 Sa katatapos na paligsahan

Para sa prinsesang pakakasalan

 

76 Pagkaraan ng tatlong araw

Mundo ng mga salarin nagunaw

 

77 Sila’y pinugutan ng ulo

Mga kaanak nanlumo.

 

-06/27/2012

*Gintong Lupa Series

 
---

153.

Daragus 12

-Paghihiganti ng Ina-    

 

78 Ang ina ng pangunahing salarin

Mangkukulam na maramdamin

 

79 Sa tindi ng kalungkutan

Paghihiganti’y kagustuhan

 

80 Mga mamamayan siya’y minura

Tinagurian pa siyang kasumpa-sumpa

 

81 Galit at lungkot

Pighati at poot

 

82 Isang gabing may sigwa

Katakut-takot na delubyo tinawag niya

 

83 Tubig, hangin, buhangin magkasahog

Dumaluyong sa bayang ilulubog

 

84 At paggising ng bayan kinabukasan

Tumambad kalunus-lunos na kasiraan.

 

-06/27/2012

*Gintong Lupa Series

 
---

154.

Daragus 13

-Ang Paglaho ng Magkasintahan-

 

85 Nawasak ang kawayang palasyo

Kayraming nagkandamatay na mga tao

 

86 O anong salot na mabalasik

Ng mangkukulam na naghasik

 

87 Buong gabing dagundong

Ng mga higanteng lagunlong

 

88 Katakut-takot sa pandinig

Sa dibdib lakas kabig

 

89 Kinabukasan ng umaga

Halos lahat naulila

 

90 Maging ang hari’t reyna

Nawalan ng prinsipe’t prinsesa

 

91 Oo, nawawala sina Agus at Dara

Lumipas mga araw ‘di sila nakita.

 

-06/28/2012

*Gintong Lupa Series

 
---

155.

Daragus 14

-Ang Alamat ng Ikalawang Lahi sa Gintong Lupa-

 

92 Lingid sa kaalaman ng lahat

Sa katotohanan sila ay sinalat

 

93 Sapagkat ang kanilang prinsesa

At hinirang na prinsipe sa tuwina

 

94 Ay ‘di naman tuluyang naglaho

Sila lang naman ay napalayo

 

95 Tulad nina Sibo at Loria

Mahiwagang bubuli nilamon sila

 

96 Buhay pa naman

Itong magkasintahan

 

97 Pagdating ng mahiwagang nilalang

Sa lupaing takdang hirang

 

98 Sila ay iniluwa

Sa Gintong Lupa.

 

-06/28/2012

*Gintong Lupa Series

 
---

156.

Ihipna 1

-Ang Saranggola ng Diwata-

 

1 Ang saranggola ng diwata

Parang ibon sa mga mata

 

2 Animo’y walang pisi

Malayang lumipad ganiri

 

3 Katawan ay talulot

Pakpak ay buntot

 

4 Subalit sa malayong paningin

Ay parang ibon parin

 

5 Paika-ika kung tumawid

Sa mga ulap ng himpapawid

 

6 Maya-maya’y tagibang

Sa pagsulong nakaabang

 

7 Sa kisap-mata’y sasalibad

Gayunpama’y sa lupa’y antad.

 

-07/07/2012

*Gintong Lupa Series

 
---

157.

Ihipna 2

-Tirador ni Ihib-

 

8 Ang binatang si Ihib

Na matibay ang dibdib

 

9 Laging umaakyat ng bundok

Ilang beses na sa tuktok

 

10 Tirador ay bitbit

Kasama ng mga batang malupit

 

11 Na sa ibon iaasinta

Upang madakip sa tuwina

 

12 Mga bato’y umiimbulog

Sa ibong ihuhulog

 

13 Sa sanga ng bayabas

Higpit ang gomang pang-utas

 

14 Kasamang matimtiman

Magtungo saanman.

 

-07/07/2012

*Gintong Lupa Series

 
---

158.

My Country Hates Me

 

Once I called myself “Illuminati”

Of the god attendant “Annunaki”

Whence I said “stupid majority”

To the fellowmen of my country

 

For once I considered me a decoy

Of someone high who can employ

A major disturbance against PNoy

Just like playing cards for toy

 

Ungrateful, unthankful – they labeled me

Parables laden to rebuke discreetly

As the said majority surrounds me

Drained I all of temerity

 

Mine – four months of transgression

Theirs – eighteen months of retribution

Forlorn me to concise perdition

Hear my call of reconciliation!

 

Now this moment of abeyance & disconnectivity

I can feel how my country hates me

Watching the extent of my stupidity

Eat & sleep idly to eternity?!

 

-07/07/2012

(Dumarao)

*My Dark Poems Collection

---

159.

Ihipna 3

-Pana ni Pina-

 

15 Ang dalagang si Pina

Maliksi’t abenturosa

 

16 Mahilig magtungo

Sa bundok pinakaulo

 

17 Tanging pana ang tangan

Mga palaso kasamahan

 

18 Sa ibon iduduro

Makabasag-bungo

 

19 Dali-daling sasaluhin

Ang ibong kukunin

 

20 Kaytibay na goma

Nakakapit sa narra

 

21 Ang pana ni Pina ay iyon

Dala niya saanman pumaroon.

 

-07/08/2012

*Gintong Lupa Series

 
---

160.

Ihipna 4

-Pagtatagpo-

 

22 Isang araw na itinadhana

Nagtagpo si Ihib at si Pina

 

23 Nang sila’y pumaroon

Sa dalisdis ng bundok na iyon

 

24 Ang binata’y sa silangan

Ang dalaga’y sa kanluran

 

25 Inihanda ng lalaki ang bato

Inihasa ng babae ang palaso

 

26 Sabay nilang pinalipad

Sa inakalang ibong napadpad

 

27 At pagbulusok ng saranggola

Sa kinabagsakan nito’y dali-dali sila

 

28 Iyon ang unang pagkikita

Nina Ihib at Pina.

 

-07/08/2012

*Gintong Lupa Series

 

---

161.

Ihipna 5

-Sa Tuktok ng Bundok-

 

29 Sa pook kung saan sila unang nagkita

Pag-ibig ang nadama sa isa’t isa

 

30 Sa araw na iyon parang ayaw mawalay

Mangyari man ay malulumbay

 

31 Oh anong saya ang nasa puso

Kagalakan sa damdamin ay puno

 

32 Nag-uumapaw na kaligayahan

Hindi maipaliwanang ninuman

 

33 Makikita sa mga mata

Ang taos-pusong pagsinta

 

34 Nang magkadaupang-palad

Animo’y ayaw nang umigtad

 

35 Mga hibla ng pagsinta’y saginsin

Ang muli pang magkita’y kanilang hangarin.

 

-07/09/2012

*Gintong Lupa Series

 
---

162.

Ihipna 6

-Mangkukulam ng Silangan-

 

36 Subalit ang binata

Ikakasal na pala

 

37 Sa babaeng taga-Silangan

Lugar na kanyang tinitirahan

 

38 Ang hindi lang niya alam

Dalaga’y isang mangkukulam

 

39 Kaya isang araw nang malaman

Na sa iba ang puso nakalaan

 

40 Hinanap ang karibal na babae

At kinulam ire

 

41 Katakut-takot na mga pantal

Ang kay Pina bumalabal

 

42 Mahal parin siya ni Ihib gayunpaman

Maging anuman ang kaanyuan.

 

-07/07/2012

*Gintong Lupa Series

 
---

163.

Ihipna 7

-Halimaw ng Kanluran-

 

43 Samantalang si Pina

Nakatali narin pala

 

44 Sa isang binata na malaki

May lahing halimaw kasi

 

45 Iyon ay lingid sa kaalaman

Ng dalagang kasintahan

 

46 Kaya isang araw nang mapagtanto

Ng binata ang itinatago

 

47 Na lihim ni Pina

Tungkol sa ka-irog niya

 

48 Nagwala ang halimaw

Kay Ihib bumulahaw

 

49 Agad itong sumugod

Nang pagtatagpo’y napanood.

 

-07/10/2012

*Gintong Lupa Series

 
---

164.

Ihipna 8

-Tulong ni Amihan-

 

50 Sa mga sandaling iyon

Diwata ng hangin pumaroon

 

51 Upang saklolohan

Ang ginugulong magkasintahan

 

52 Kapangyarihan ng hangin itinaboy

Ang higanteng mukhang baboy

 

53 Na siyang nagpagulung-gulong

Pababa hanggang ‘di na dumaluhong

 

54 Oh anong ginhawa

Nang halimaw mapuksa na

 

55 At sa pag-ihip ng hangin kay Pina

Nawala narin mga pantal niya

 

56 Wagas na pasasalamat

Ang kay Amihan ipinantapat.

 

-07/10/2012

*Gintong Lupa Series

 
---

165.

Elegy for our King of Comedy

 

Surely, this one of saddest elegy

Of this our noble, plain country

O’er the death of our King of Comedy

 

Oh, my painful farewell, Tito Dolphy

Why did you leave us this so early?

For a great man like thee – early is eighty-three

 

We’re one before with idol Manny V.

Also along to PNoy sorry

But yours alone the grandest trophy

 

Kevin Cosme, bye bye family tree

Markova, sayonara honorable tsupee

Fr. Jejemon, mi ultimo adios to thee

 

Hahaha! Hehehe! Hihihi!

This thy dearest legacy

Shall not forsake the memory

 

Philippine media’s joyful mystery

Glorious accolades to eternity

Hope in heaven you again we see

 

In this hour of our nation’s melancholy

May now God’s angel’s hug thee tightly

Thank you for making Philippines happy.

 

-07/10/2012

(Dumarao)

*My Dark Poems Collection

---

166.

Ihipna 9

-Pagsubok sa Binata-

 

57 Ngayong nalampasan na ang mga kaaway

Susubukin kung pag-ibig gaano katibay

 

58 Una ay sa binata

May pagsubok na nakahanda

 

59 Kailangan niyang awitan

Ng madamdamin ang kasintahan

 

60 Siya’y nagdala ng plawta

Pinatugtog ng mga bibig niya

 

61 Ang ikalawa naman

Ay kargahin si Pina ng matagalan

 

62 Umabot sa sampung oras

Diwata ay nagilalas

 

63 Sa gayong mga paraan

Nakuna na niya ang kasintahan.

 

-07/11/2012

*Gintong Lupa Series

 
---

167.

Ihipna 10

-Pagsubok sa Dalaga-

 

64 Ngayon ay para sa dalaga

May dalawang pagsubok ang nakahanda

 

65 Una ay magtungo sa Silangan

Kay lalaki na tahanan

 

66 Upang doon gawin

Ang pagsubok na hinain

 

67 Iyon ay ang ipagluto si lalaki

Ng pagkain na marami

 

68 Maging mga magulang ng binata

Nasarapan sa mga niluto niya

 

69 Ang ikalawa naman ay ipaglaba

Ng damit ang sinisinta

 

70 Kaydali niya itong natapos

May linis at bangong tumatagos.

 

-07/11/2012

*Gintong Lupa Series

 
---

168.

Ihipna 11

-Ang Alamat ng Ikatlong Lahi sa Gintong Lupa-

 

71 Nang mga pagsubok nalagpasan na

Inanunsiyo ng diwata ang pagkasal sa dalawa

 

72 Sinang-ayunan naman iyon

Ng magkabilang nayon

 

73 Mga ligaw na itik panghanda ng silangan

Mga paniki naman sa kanluran

 

74 Isang kasalan na kakaiba

Puspos ng biyaya, balot ng hiwaga

 

75 Sapagkat naroon din mga mahiwagang panauhin

Si Amihan at iba pang diwatang kasamahan din

 

76 Malaking piging mula magkaibang sulok

Idinaraos sabay sa tuktok ng bundok

 

77 Sa araw ding iyon, ipinagpaalam sila

Na dadalhin ni Amihan sa Gintong Lupa.

 

-07/12/2012

*Gintong Lupa Series

 
---

169.

Alabir 1

-Ang Mag-uuling-

 

1 Ang mag-uuling na si Alyna

Bahid man ng itim, ang kutis sutla

 

2 Ipinaglihi sa labanos itong binibini

Kaya ang balat ay napakaputi

 

3 Subalit mukhang hindi bagay

Kung saan siya nakalagay

 

4 Araw-araw nagsisiga

Ng mga kahoy at sanga

 

5 Nagbabagang kahoy hinihintay

Na ang apoy ay mamatay

 

6 Iyon ang tanging kabuhayan

Nitong dalaga ng silangan

 

7 Tuwing dapit-hapon

Mga uling pinupunpon.

 

-07/15/2012

*Gintong Lupa Series

 
---

170.

Alabir 2

-Ang Panday-

 

8 Ang panday na si Birio

Ang natatanging iho

 

9 Mula sa pamilyang gumgawa

Ng mga punyal at espada

 

10 Bilang kaisa-isang anak na lalaki

Maagang tinuruan ng gawaing pangmalaki

 

11 At sa paglipas ng panahon

Siya’y naging bihasa sa nayon

 

12 Kung may magpapagawa ng itak o espada

Lumalapit lamang sa kanya

 

13 Itong si Biriong kay agang natutunan

Ang pamamanday sa kanluran

 

14 Sa pamilya ni Alyna bumabaling

Tuwing kinakailangan ang uling.

 

-07/15/2012

*Gintong Lupa Series

 
---

171.

Alabir 3

-Ang Halimaw ng Gubat-

 

15 Kaylapit nang gumabi

Si Alyna ay pauwi

 

16 Tangan sa kamay niyang pareho

Mga uling sa sako

 

17 Tila pagdilim ng langit kaybilis

At ang babae’y nakarinig ng bungisngis

 

18 At sumambulat sa daraanan niya

Isang tiktik na nakatawa

 

19 Akma siyang dadaluhungin

Upang siya ay kainin

 

20 Mabuti nalang at sa ‘di kalayuan

Binatang si Birio sila’y nasulyapan

 

21 Kaagad siyang sumaklolo

Tiktik ay itinaboy palayo.

 

-07/16/2012

*Gintong Lupa Series

 
---

172.

Alabir 4

-Pag-iibigan-

 

22 Mula takipsilim ng kabayanihan

Sila Alyna’t Birio’y nagkagustuhan

 

23 Lumipas ang mga araw at nagkakilala pa

Nang lubusan ang dalawa

 

24 Loob mas lalong napalapit

Tulad ng mga tinginang malagkit

 

25 Ang dalaga na ang naghatid mismo

Nang mga uling sa bahay nina Birio

 

26 Binigyan si Alyna ng pulseras

Gawang hikaw, singsing at kwintas

 

27 Pag-ibig naglulubos umapaw

Kasalan na ang tinatanaw

 

28 Ng mga kaanak ng magkasintahan

Madali ring nasang-ayunan.

 

-07/16/2012

*Gintong Lupa Series

 
---

173.

Alabir 5

-Sa Gitna ng Kagubatan-

 

29 Doon sa may pusod ng kagubatan

Kung saan una silang nagkakilanlan

 

30 Pumapalagi ang dalawang magsing-irog

Tuwing palubog ang araw na bilog

 

31 Sapagkat iyon din ang tuktok ng bundok

Kaya kita lahat ng sulok

 

32 Doon sila palaging nagkukwentuhan

Ng kanya-kanyang mga karanasan

 

33 Nireregaluhan ng lalaki linggu-linggo

Ang natatanging kasintahan nito

 

34 Lubos ligaya ang dalaga

Kaya ‘di rin napatitingin pa sa iba

 

35 Pareho silang unang beses umiibig

Sa sintang lubos na kinakabig.

 

-07/17/2012

*Gintong Lupa Series

 
---

174.

Alabir 6

-Ang Nakatakdang Kasalan-

 

36 Mapalad sina Alyna at Birio

Walang tumututol sa mga ito

 

37 Kaya wala nang patumpit-tumpit

Pag-iisang dibdib ang ipipilit

 

38 Masaya ang magkabilang panig ng angkan

Sa nalalapit na kasalan

 

39 Malaki ang magiging epekto

Sa kani-kanilang negosyo

 

40 Maaaring uling ay maging mura

Sa mga metal humuhulma

 

41 Gayundin ang mga palakol

Sa mga kahoy pumuputol

 

42 Tatlong araw nalang

Kasalan ay wala nang hadlang.

 

-07/17/2012

*Gintong Lupa Series

 
---

175.

Worthless Workless

 

Day by day as I wake up in the morning

Knowing that I prepare for nothing

Makes me to rise up unwilling

 

It’s hard being workless

The air whispers I’m worthless

My inner stamina depresses

 

As the hands of time pass by

And I do nothing but standby

My soul chides me, I just sigh

 

Being jobless makes me feeble and fat

Becoming disgusting to look at

Like a weak-limbed fattened rat

 

Without a job, I feel unworthy

To take in meals three times daily

Consumed by aura of lethargy

 

Oh Lord, deliver us from this abeyance

Give me business or work by chance

Lest I be caught by an ambulance.

 

-07/18/2012

(Dumarao)

*My Dark Poems Collection