SHAAYAD WO PYAAR NAHII..!

pehli nazar mein tumne use pasand kar liya ,aur usne tumhe ,Aur is love at first sight ko tum mohobbat kehre ho!..toh ho sakta hai tum galat ho. Qki yrr pehli nazar mein toh hume antique chizein bhi pasand aa jaati hain ,pr hum unhe ghar mein rakhte hai dikhaawe ke liye.

bas qki der raat tak tum dono dher saari baatein karte ho ,aur ise tum mohobbat samajhte ho! toh ho sakta hai tum galat ho ,kyuki yarr akelepan ke maare toh do anjaan musafir bhi ek dusre se baat kar hi lete hai.

aree agar kisi ladki ko dekh kar wo tumaahra haanth pakad leti hai ,aur kisi ladke ko dekh kar tum uska ,aur is cute jealousy ko tum mohobbat kehre ho ! toh ho sakta hai tum galat ho ,qki yaarr parindo ko pakda jaata hai unhe kaid karne ke liye , unhe aazaad karne ke liye nii.

bas qki ab tum dono ek dusre ki baaton ko samajh paa rahe ho aur isse tum mohobbat kehte ho !..toh ho sakta hai tum galat ho ,qki yaad rakho do bhukhe bhikhaari bhi ek dusre ki bhukh samajh hi sakte hai par meeta nii sakte.

Areee agar tum anniversary ka cebration har mahine kar rahe ho ,aur ise tum mohobbat kehte ho!..toh ho sakta hai tum galat ho, qki daastaan - ae - ishq ko bayaan karne ke liye saal ka koi number nii chahiye hota.
areee bas qki tum uski insta stories ka aur wo tumaahre snap stories ka hisaa ban chuki hai ,aur ise tum mohobbat kehre ho! toh ho sakta hai tum galat ho, qki yaar mohobatton ko filtaron ke saath save nahi kiya jaata ,use bas usi lamhe mein jeeya jaata hai.
..........HAAN LEKIN....HAAAAN LEKIN ..
....LEKIN agar jismon mein ulajhne se pehle tum uski zulfon mein ulajhna chahte ho,
Agar wo bekhauf apna bachpana tumaahre saamne jaaya kar deti hai ,agar uske kapdon ke beparda hone se pehle, tum apne saare raaz uske saamne khol diye, aur usne bhi apne saare darr ka zikar tumaahre saamne kar diya hai ,
agar uska har aansu tumaahre hi kameez par behta ho aur tumaahre muskaan ki wajah uski naadaaniyaan hi ho uski,toh

SHAAYAD ...SHAAYAD
Shaayad nahii yarr ,yahii pyaar hai ,agar ye pyaar tumhe mil gyaa hai toh ise pakad lo ,jakad lo ,gale lgaa lo ,aur jahaan mauka mile ise kehte raho KI TUM ISSE KITNAA PYAAR KARTE HO ,QKI aisi mohobbat se mulaaqaat hone mein zindagi ka ek kaafi lamba arsa beet jaata hai