Faking it.

Faking it

This poem hus been

photyshopped. If ye

look really close its

pixels urnae fae

roon aboot here

an its colours urr awtae

buggery. If ye haud it up

an’ sniff its erse ye

wull likely fin’ it’s

been eatin’ quinoa

along wi’ summy that

couscous wi natural yogurt.

No that ah’ve goat ennyhing

against a photyshopped

poem ye unnerstaun

its jist that ye

need tae ken whits

real an’ whit isnae

these days, ah mean

there’s that much goes

oan that isnae right

in the world like

REALLY BIG SKIES

an’ aw they folk

that cannae tell a truth

for tellin’ alternative

truths in order tae make

folk like us feel as if

wur styoopit or

illiterate or sumhin.

But wur no daft.

Jist tell it like it is eh?

Gaunie? 

13/10/23