HINAGPIS NI INA

MAINGAY NA ALON SA DALAMPASIGAN

MALAKAS NA IHIP NG HANGING AMIHAN

MADILIM NA ULAP SA KALANGITAN

UNOS AY NAGBABADYA SA SANGKALUPAAN!

DAIGDIG NA DATI"Y PAYAPA AT TAHIMIK

SARIWA ANG HANGI'T MALINIS ANG PALIGID

LUNTIANG PARANG AT MGA KABUNDUKAN

SINGLINAW NG KRISTAL ANG TUBIG SA BUKAL

MUNTING MGA BATA'Y TILA MGA ANGHEL

SA PARANG NAGLALARO, SA BATISA"Y NALILIGO 

MUSIKA SA PANDINIG ANG HUNI NG PIPIT

LILIPAD DADAPO SA MAYABONG PUNO

NGUNIT NGAYO'Y NAPARAM NA

ANG MAGANDANG ALA ALA

MALABO NANG IBALIK KAHIT SA GUNITA

LAHAT AY NABAGO SUKAT NA NAWALA!

MGA KALAMIDAD AY KABI KABILA

KURAPSIYON AT KRIMEN, PALALA NANG PALALA

MGA PANDARAMBONG AT PAGPAPASASA

KAGYAT NA KATARUNGA'Y DI NA NGA NAKIKITA

MABILIS ANG PAG UNLAD NG TEKNOLOHIYA

LUMANG KULTURA AY TILA LIMOT NA

PAG IBIG AT PAGMAMAHAL DI NA KAYANG IPADAMA

SA BUSILAK NA PARAAN AT ANYO NG PAGKALINGA

SAKSI AKO SA LAHAT NG ITO

AKO'Y NANINIMDIM BAKIT NAGKAGANITO

AKO BA AY NAGKULANG SA PAGBIGAY PANUTO

O SADYANG MATIGAS LANG ANG INYONG ULO?

AKO"y INANG LUMULUHA SA BAWAT PAGSALANSANG

NG MGA ANAK KONG AKO ANG NAGSILANG

PUSONG INANG BUSILAK MALINIS AT MAPAGMAHAL

LAGING LUMULUHA SA TUWING KAYO'Y NAMAMASDAN

ANO PA BA ANAK ANG PWEDE KONG GAWIN?

KAYA UMUULAN, LUHA KO'Y DI MAPIGIL

KAPAG LUMILINDOL PUSO KOY NAGDARAMDAM

NAIS NG SUMABOG ANG DIBDIB KONG NASASAKTAN

AKO'Y INANG KALIKASAN. HUWAG N'YO NAMANG PAGDAMUTAN

KAHIT SULYAP MAN LANG SA KASALUKUYANG  KAANYUAN

ANO NA NGA BA ANG DULOT NYO MGA ANAK KONG HIRANG?

KAYA NYO BANG MASDAN ANG UNTI UNTI KONG PAGKAPARAM?

PAANO NA NGA KAYO KUNG AKO AY LILISAN?

MABUBUHAY BA KAYO SA LUSAK NG KAWALAN?

AKO"Y MAHINA NA NAIS KO NANG MAGPAALAM

NGUNIT KUNG NAIS NYO KAYA NYO PA AKONG PIGILAN!!!!