Meer Taqi Meer

be-KHudee le ga'ee kahaaN ham ko

 Next Poem          

be-KHudee le ga'ee kahaaN ham ko
der se intaZaar hai apnaa

rote phirte hain saaree-saaree raat
ab yahee rozgaar hai apnaa

de ke dil ham jo ho ga'e majboor
ismeN kyaa iKHtiyaar hai apnaa

kuchh naheeN ham misaal-e-'unqaa lek
shahar-shahar ishtahaar hai apnaa

jisko tum aasmaan kahate ho
so diloN kaa Gubaar hai apnaa

Next Poem 

 Back to
Meer Taqi Meer