William Soutar

The Halted Moment.

 Next Poem          

Wha hasna turn'd inby a sunny street
And fund alang its length nae folk were there;
And heard his step fa' steadily and clear
Nor wauken ocht but schedows at his feet.
Shuther to shuther in the reemlin heat
The houses seem'd to hearken and to stare;
But a' were doverin whaur they stude and were
Like wa's ayont the echo o' time's beat.
Wha hasna thocht whan atween stanes sae still,
That had been biggit up for busyness,
He has come wanderin into a place
Lost, and forgotten, and unchangeable;
And thocht the far-off traffic sounds to be
The weary waters o' mortality.

Next Poem 

 Back to
William Soutar