INCAZELO YOTHANDO

Uyamthanda, uthe uyakuthanda 

       niyathandana...

uyathandeka, siyamthanda, uthandekile

     Simthandile Uthandoo...

          Luyini uthando?



Nginombuzo, odinga incazelo,

        Luyini uthando?



Ngibuza ngoba omunye namanje 

usazula ufuna uthando, ulifunile ebantwini

abaningi abahlukene azange alithola, lothando alifunayo.

Ngibuza ngoba omunye makazibuka esibuKweni,

uzibona angaphelele kungekho omunye wobulili

obuhlukile ozothi...Ngiyakuthanda.



Luyini uthando?

Ngiyabuza ngoba abanye  bavalelwa emajele, egameni lothando.

ngiyabuza ngoba omunye  izandla zakhe zivuza igazi lesithandwa sakhe

egameni lothando.

eminye imizi yavalwa egameni lothando.



ziningi izincazelo....

abanye bathi ugoodnight, goodmorning text okungenani,

abanye bathi amazwi nje noma imizwa nje

abanye bathi uthando ulibona ngezenzo.

abanye bathi into engekho, abasakholelwa kulo.

bakhona abathi lumnene, lumnandi uma ungalinika isikhathi.



        Luyini uthando?

Uthando: Bheka lumi omnyango,

luyangqongqotha, uma umuntu ezwa izwi

lothando, avule umnyango, luyangena 

kuye, ludle naye, naye adle nalo. uthando lwaphakade.

inhliziyo yakhe izungezwe uthingo lwenkosazana.



Loluthando alusoze lwaphela,

uthando oluvela ngokukhlwa...

kungekho nakunye kuleli elimagande okungakuhlukanisa nalo.

Luyini uthando? 



Uthando luyabekezela, uthando lumnene, alunamhawu,

uthando aluzigabisi, aluzikhukhumezi; aluziphathi ngokungafanele,

aluzifuneli okwalo, alucunuki, alunamagqubu, aluthokozi ngokungalungile.



uthando luthokozela iqiniso,

lubekezelela izinto zonke,

luthemba izinto zonke, Uthando luletha ukuthula 

uthando UJESU KHRESTU.

                                                 SP MAVUSO