Sir Muhammad Iqbal

I Desire

 Next Poem          

tere ishq kii intahaa chaahataa huu.N
merii saadagii dekh kyaa chaahataa huu.N


sitam ho ki ho vaadaa-e-behijaabii
ko_ii baat sabr-aazamaa chaahataa huu.N


ye jannat mubaarak rahe zaahido.n ko
ki mai.n aap kaa saamanaa chaahataa huu.N


ko_ii dam kaa mehamaa.N huu.N ai ahal-e-mahafil
chiraaG-e-sahar huu.N, bujhaa chaahataa huu.N


bharii bazm me.n raaz kii baat kah dii
ba.Daa be-adab huu.N, sazaa chaahataa huu.N

Next Poem 

 Back to
Sir Muhammad Iqbal