E quanne su' nd'u strìttue d'u Barone

E quanne su' nd'u strìttue d'u Barone,
le gìrene u taùte chiène chiène;
su' cchiù vicine ancore chille grire
scattète nda nu mère di suspire:
"Oh scasce méja granne; oh bene d' 'a mamma".

'A cruce quèse tòcchete i finestre
e chille ca ci chiàngene arranzète;
I'ìnghiete 'a strète 'a folla com'u mère
ca nghiànete annivrichète.
Pó, quanne su' nd' 'a chiazza, cchiù affuchète
le sèntese, e a la logne, n'atu grire:
"Bene d'u tèta sue, bene d'u tèta",
tante ca mó le càngene u culore,
nda chille facce "a bumme", ianche e russe,
prèvete e previticchie ca pó càntene
cchiù sincire e cchiù forte di nu trone.
Ti scàntese ca i vitre d'i balcune
nd'u "grèpe e chiure" trèmene e lampìjene;
ca pur'i pétre chiàngene nd'i strète
cchi tutte ll'ate cose, e ci cannìjene
cristiène senza vrazze e senza iamme
ca uèrena scappè e s'arruzzuuìne
mmischète com'a ghiòmmere di pice
a pulle senza pére e senza scille.