The Dear Highland Laddie, O

Robert Tannahill

 Next Poem          

Blithe was the time when he fee'd wi' my father, O,
Happy were the days when we herded thegither, O,
Sweet were the hours when he row'd me in his plaidie, O,
And vow'd to be mine, my dear Highland laddie, O.

But, ah! waes me! wi' their sodgering sae gaudy, O,
The laird's wys'd awa' my braw Highland laddie, O,
Misty are the glens and the dark hills sae cloudy, O,
That aye seem'd sae blythe wi' my dear Highland laddie, O.

The blae-berry banks now are lonesome and dreary, O,
Muddy are the streams that gush'd down sae clearly, O,
Silent are the rocks that echoed sae gladly, O,
The wild melting strains o' my dear Highland laddie, O.

He pu'd me the crawberry, ripe frae the buggy fen,
He pu'd me the strawberry, red frae the foggy glen,
He pu'd me the row'n frae the wild steep sae giddy, O,
Sae loving and kind was my dear Highland laddie, O.

Fareweel, my ewes, and fareweel, my doggie, O,
Fareweel, ye knowes, now sae cheerless and scroggie, O,
Fareweel, Glenfeoch, my mammy and my daddie, O,
I will heave you a' for my dear Highland laddie, O.

Next Poem 

 Back to Robert Tannahill

To be able to leave a comment here you must be registered. Log in or Sign up.